2. september 2010 04:06

Óðal opnar aftur eftir sumarfrí.

Mánudaginn 6. september opnar Óðal aftur eftir sumarfrí.

Opnunartími óðals verður sá sami og síðasta skólaár eða frá kl:14:00 - 18:00 alla virka daga . Opin hús verða á miðvikudagskvöldum frá kl:20:00 - 22:00. Félagsskírteini Óðals verða seld í næstu viku og koma þau til með að kosta 3000- krónur fyrir 8-10. Bekk en 1500- krónur fyrir 7. Bekk. Tekin verður ljósmynd af viðkomandi þegar skírteini er keypt og verða þau svo afhent skömmu síðar.

Félagsskírteini Óðals veita aðgang í klúbba, opin hús og diskótek.

selt verður inná stærri viðburði svo sem Æskulýðsball, jólaball og lokadansleik í vor.

Sjáumst hress í Óðali mánudaginn 6. sept og tökum þátt í skipulögðu íþrótta og æskulýðsstarfi.

2. júlí 2010 11:43

Vinnuskólalok.

Vinnuskólahópurinn 2010

76 krakkar voru á launaskrá auk 7 flokksstjóra um allt sveitarfélagið.

í tilefni dagsinns gerðu krakkarnir sér dagamun og hittust í Skallagrímsgarði og fóru í leiki og skemmtu sér í umsjón flokksstjóranna í vinnuskólanum. 

Við viljum þakka krökkunum fyrir frábær störf í sumar og kveðjum þau með söknuði.

25. júní 2010 11:38

Vinnuskólinn í Borgarnesi.

Vinnuskólakrakkar þökuleggja við Hrafnaklett

Eftir að vinnuskólinn hefur sett niður sumarblóm og hreinsað til í bænum fyrir 17. Júní tekur við allskyns vinna,  en í þessum skrifuðu orðum er hópur að vinna að brúðu og handritagerð með Bernd Ogrodnik  í Brúðuheimum en þau ætla að vera með skemmtilegt atriði á Brákarhátíðinni sem fram fer nú á laugardag 26.06 í Borgarnesi.

Einnig eru þrír hópar vinnuskólanns saman komnir við hæðina inn í bjargsland að þökuleggja milli gangstéttar og vegar út úr bænum.

Mörg verkefni eru framundan hjá vinnuskólanum í sumar svo sem stígagerð um allan bæ og tiltekt á íþróttasvæðinu en eins og allir vita er í mörg horn að líta fyrir unglingalandsmót sem haldið verður hér í Borgarnesi um verslunarmannahelgina.

Vinnuskólinn er einnig starfræktur á Hvanneyri, Reykholti og Bifröst og á þessum stöðum er mikið líf og fjör bæði í slætti og gróðursetningu sem og annari umhirðu.

Krakkarnir okkar ljúka störfum með grillveislu og skemmtilegheitum   í Skallagrímsgarði þann 2. Júlí.

7. júní 2010 01:09

Vinnuskólinn í Borgarbyggð hófst í morgun

Vinnuskólinn í Borgarbyggð var settur í morgun.

í vinnuskólanum starfa 76 krakkar um allt hérað eða  53 í Borgarnesi, 13 á Hvanneyri, 6 á Bifröst, 3 í Reykholti og 1 á Varmalandi.

Verkefni vinnuskólanns í sumar eru margvísleg og uppbyggjandi fyrir unglingana okkar sem eru að stíga sín fyrstu skref á vinnumarkaðinum.

Meðal annars sjá þau um gróðursetningu og hirðun blómabeða, göngustígagerð, klippingu trjáa, rakstur á opnum svæðum svo eitthvað sé nefnt.

starfsstöðvar eru fimm og er einn flokksstjóri á hverjum stað nema í Borgarnesi en þar eru Flokksstjórarnir 4  og eru hóparnir jafn margir á jafn mörgum stöðum í bænum. 

Það er í mörg horn að líta á einum stærsta vinnustað í Borgarnesi og biðjum við bæjarbúa um skilning og stuðning og eru allar ábendingar vel þegnar.

Allar upplýsingar um vinnuskólann er að finna á http://www.odal.borgarbyggd.is/vinnuskolinn/

12. maí 2010 02:14

Óðal í sumarfrí

Þá fer að líða að sumarlokun Óðals en síðasti opnunardagur Óðals er 21 maí.

þennan sama dag fara fram kosningar í húsráð Óðals en kosið verður um Formann, Gjaldkera og ritara.

Kosningar fara fram milli klukkan 15:00 og 17:00.

 Þeir sem vilja bjóða sig fram skulu skrá sig hjá Sissa í Óðali eða Siggu ritara fyrir kl:15:00 fimmtudaginn 20 maí.

Verum málefnaleg í kosningabaráttunni og gerum þetta skemmtilegt en oft á tíðum hafa frambjóðendur bakað smákökur og safnað stuðningsfólki.

3. maí 2010 06:13

Óðal lokað

Félagsmiðstöðin Óðal verður lokuð Mánudag og þriðjudag 3-4 maí vegna aðalfundar samtaka félagsmiðstöðva Samfés.

Við opnum aftur Miðvikudaginn 5 maí á venjulegum tíma.

Valgreinar sem kenndar eru í Óðali verða kenndar á venjulegum tíma.

23. apríl 2010 04:53

Afmælishátíðin gengur frábærlega

Loksins alvöru rokktónleikar í Borgarnesi

Sýning sem unglingarnir settu upp í Óðal hefur verið mjög vel sótt og margir haft gaman af. Afmælistónleikar í menningarsal menntaskólans voru svo í gær og þar fór vinsælasta tónleikaband landsins Dikta á kostum og þurftu þeir að spila mörg aukalög fyrir ánægða tónlistagesti.  Næsta víst að þessir drengir eiga eftir að ná langt í framtíðinni svo vel spilandi er þetta band og með sinn eigin stíl á lögum sem þeir flytja af mikilli innlifun.

Útvarp Óðal 101.3 hefur verið í loftinu og í kvöld föstudagskvöld verða svo söngtónleikar í menningarsal MB þar sem unglingarnir okkar skemmta ásamt nokkrum af þeim fjölmörgu sem stigið hafa á stokk í Óðali í söngkeppnum þar á liðnum 20 árum. Ókeypis er á þessa uppákomu sem verður án efa fjörug.

ij 

15. apríl 2010 03:04

Afmælishátíð Óðals 21. - 23. apríl

Félagsmiðstöðin Óðal fagnar 20 ára afmæli sínu núna í vikunni og verður mikið um dýrðir. Aðalmálið er að unglingar sem hafa verið í starfi í Óðali síðustu 20 ár og þykir vænt um starfið sem þar hefur verið unnið mæti á afmælisviðburði til að sýna sig og sjá aðra.

Sameiginleg afmælisnefnd sem skipuð var úr stjórn nemendafélags GB og húsráði ungmennahúss hefur ásamt starfmanni sett upp magnaða dagskrá sem við vonum að sem flestir komi á.  Sýning í Óðali á starfi liðinna ára verður opnuð við hátíðlega viðhöfn kl. 20.00 á miðvikudagskvöld þ.e. síðasta vetrardag og verður einnig opin á fimmtudag sumardaginn fyrsta.  Allir velkomnir í heimsókn í Óðal. Tónleikar fimmtudagskvöld með Dikta í menningarsalnum í MB og skemmtilegir tónleikar einnig þar á föstudagskvöld en þá koma fram nokkrir unglingar sem sungið hafa og leikið á sviðinu í Óðali s.l. 20 ár.

Sjá dagskrá hér.

Útvarpið verður starfandi afmælisdagana og er útsending þegar hafin á FM Óðal 101.3

Forsala miða hefst mánudag í Óðali á tónleika Dikta

Gleðilega páska!

Mótaröð Óðals

Borðtennisnámskeið.

Mótaröð Óðals í mars.

Dagskrá fram yfir páska.

Söngkeppni Samfés Laugardag

Samfésferð

Vefsjónvarp í Grunnskóla Borgarfjarðar

Öskudagur í Óðali

Unglingar úr Borgarbyggð sigruðu Söngkeppni Vesturlands.

Söngkeppni Vesturlands

Söngvakeppni Óðals 2010

Starfið aftur af stað á nýju ári

Útvarpið gengur vel

Jólaútvarpið

Stíll 2009